Immapela ti maysa a transport group iti gobierno a nayonan ti fuel subsidy para kadagiti public utility vehicles (PUVs) gapu iti agtultuloy a panagngato ti presio dagiti produkto petrolyo.
Segun ken ni Melencio “Boy” Vargas, presidente ti Alliance of Transport Operators and Drivers Association of the Philippines (ALTODAP), namnamaen da a maingato manipud iti P10 kada litro a mapan iti P15 kada litro ti fuel subsidy nga ipaay ti gobierno kadakuada.
Pinasingkedan ni Vargas nga idi napalabas laeng nga aldaw ket naaddaan da ti konsultasion iti Land Transportation Franchising and Regulatory Board (LTFRB) no sadino pinapili da isuda no P15 fuel subsidy wenno P1 a nayon a plete ti kayat da.
Ad-adalen ti LTFRB ken DOTr a dakkelan pay ti fuel discount kadagiti fuel companies.
