Inlawlawag ni Public Works Secretary Vince Dizon a ti P11.49 bilyon a nayon a pondo para iti Department of Public Works and Highways (DPWH) iti gakat a 2027 national budget ket maaramat kadagiti infrastructure project a nakumpleton ti kasapulan a dokumento.
Segun ken ni Dizon, pakairamanan kadagiti proyekto saan a nairaman iti orihinal a P643.95 bilyon a budget ti DPWH ti sumagmamano a local road ken flood mitigation projects gapu ta saan pay a kumpleto ti documentary ken implementation requirements.
Pinasingkedan ni Dizon a kasapulan a dumalan iti nainget a panagsukisok ti amin a proyekto sakbay a mapondoan ken maipatungpal.
Pakairamanan daytoy ti program of works, plano ken panangiraman iti master plan dagiti LGU, ken river basin kasta pay ti no-objection dagiti local a gobierno para iti flood mitigation projects.
