Impaayan iti Kamara ti parliamentary courtesy ti Office of the Vice President (OVP) ken inaprubaranda ti 2026 budget-da a P903 million nga awan pay iti maysa nga oras.
Adayo dayta iti nagbalin a sitwasyon iti panagpasa ti budget-da idi 2025 a nakagisaan ni Vice President Sara Duterte ken dagiti staff-na mainaig iti kontrobersyal a confidential funds.
Numan pay naikkan ti parliamentary courtesy ni VP Sara, napalubosan latta a nagdamag dagiti dua nga agpampanday linteg manipid Minority Block kangrunaan da ACT Teachers Rep. Antonio Tinio ken Kabataan Rep. Renee Co apaman a naipasa iti OVP budget.
Ti panagsaludsud da Co ken Tinio ket naipalubos kalpasan nga immannugot ni Duterte nga i-waive iti inter-parliamentary courtesy-na.
Insaludsud ni Tinio ken ni Duterte ti notice of disallowance nga inruar ti Commission on Audit (COA) mainaig ti panagaramat ti confidential funds idi 2023 iti OVP ket insungbat ni Duterte a ti COA iti rumbeng a mangsungbat iti nasao nga isyu.
Impaganetgetna nga adda nakapenpen iti patangan iti Korte Suprema mainaig iti impeachment isu a saann a mabalin a trataren iti nasao a banag.
