Binallaagan ni Senior Citizens Partylist Representative Rodolfo “Ompong” Ordanes dagiti senior citizen gapu iti panagiwaras ti saan a pudno nga impormasyon maipapan ti universal pension nga aggatad iti sangaribo a pisos.
Inlawlawag ni Rep. Ordanes a dagiti dati nga agpenpension laeng ti kwalipikado iti Social Pension for Indigent Senior Citizens (SPISC) program nga imatmatonan ti Department of Social Welfare and Development (DSWD).
Saan a pudno ti maiwarwaragawag nga impormasyon a no ti maysa a Senior Citizen ket nakarehistron ket insigida nga addan maawatna.
Kagiddan dayta, inallukoy ni House Committee on Senior Citizens dagiti agtawen iti innem a pulo agpangato nga agrehistro iti website ti National Commission on Senior Citizen tapno naur-urnos ti database dagiti nagan dagiti senior citizen iti pagilian.
