Bimmaba iti 50% iti kaso ti online scams iti pagilian manipod January 1 agingga December 2, 2025 kumparar iti isu met la a panawen idi 2024 kas pinasingkedan ti Philippine National Police (PNP).
Segun ti PNP, bimmaba ti online selling scams ta manipod 3,025 idi 2024 kety nagbalinen a 1,525 idi 2025.
Bimmaba pay ti investment ken task scams manipod 1,101 a kaso ta nagbalin laengen a 291, ti hijacked profile wenno ID scams ket bimmaba ta manipod iti 604 ket nagbalin a 183 iti kaso, ken ti vishing incidents ket manipod 589 a kaso ket nagbalin a walopulo.
Segun ken ni Acting PNP Chief Lt. Gen. Jose Melencio Nartatez Jr. ipakita iti listaan ti kina-epektibo iti agtultuloy a cyber patrolling ken napaspas a tignay ti PNP Anti-Cybercrime Group (PNP ACG).
Iti baet a bimmaba iti kaddoan a kaso ket mapapati nga agtultuloy iti modus dagiti scammer ta adda latta iti job ken tasks scams, online loan scams ken impersonation scams.
