VIGAN CITY – Mangisayangkat ti Ilocos Sur Police Provincial Office ti Online Got Singing Competition a babaen iti online ket maipakita ti talugading iti tunggal maysa ken agsentro dagiti kanta iti COVID19 pandemic.
Iti pannaki-uman ti Bombo Radyo ken ni Police Major Andrew Rabang, ti pasalip ket mailukat para kadagiti kapulisan, LGUs ken dadduma pay a stakeholder nga agtawen ti duapulo ket maysa agingga limapulo ket siam ken addanto ti screening tapno makita no siasino dagiti kwalipikado inton June 29.
Ti nasao nga aktibidad ket maysa kadagiti wagas a napanunotan ti ISPPO tapno mapabileg ti relasyon dagiti pannakabagi ti linteg iti kagimungan ken tapno adda ti panglinglingayan iti tunggal maysa tatta a tiempo ti COVID19 pandemic.
Kabayatanna, tapno maamwan dagiti dadduma pay a detalye ti nasao a pasalip ket mabalin a makikinnammayet dagiti mangayat a makipaset kadagiti police station iti ilida.
