--Ads--
Impatangken ni Ombudsman Jesus Crispin Remulla a rumbeng nga agipasa ti individual affidavits dagiti sangapulo ket walo a dati a bodyguards ni dati a congressan Zaldy Co.
Nagsarita ni Remulla kasaruno iti panangiwaragawag ni Atty. Levi Baligod a nakasaganan dagiti dati a Marines a mangibaga iti amin nga ammoda no siasino dagiti naikkan ti minaleta a kuarta.
Immunan a sigurado ti Office of the Ombudsman nga awan iti palabsenda a detalye wenno ebidensya iti isyu dagiti maleta boys.
Kinuna ti Ombudsman a surotenda no sadinoman iti pakaipanan kadakuada dagiti ebidensya.
-- ADVERTISEMENT --
Immunan a kinuna ni Baligod nga umuna a sumalang iti interview ti panel of investigators iti Ombudsman ni Johnny Buduan inton June 11.
