Nagpanawagan ti transport group nga Pinagkaisang Samahan ng mga Tsuper at Operator Nationwide (PISTON) iti gobierno nga ibasura ti Oil Deregulation Law iti tengnga ti serye ti panagngato ti produkto petrolyo ken tension idiay Middle East.
Pinasingkedan ni PISTON national President Mody Floranda, napaay ti gobierno ken ti linteg a maited kadagiti umili ti kari a panagbaba ti presio ti produkto petrolyo.
Pinasingkedan ni Floranda nga awan ti makitkita a nalawag ken konkreto a tulong ti Oil Deregulation iti sektor ti transport group isu a nasken nga ibasuran.
Kabayatanna, binabalaw ni Floranda ti Land Transportation Franchising and Regulatory Board (LTFRB) a dagiti fare increase nga ipatpatungpal ti gobierno no agkidkiddaw ti nayon a plete dagiti transport group ket bassit laeng ti maitulong na kadagiti drivers.
