Kinarit ni Ako Bicol party-list Rep. Alfredo Garbin dagiti kompania ti langis a boluntario a mangted ti diskwento iti vulnerable sector a nakaro a naapektaran ti nangato a presio ti produkto petrolyo gapu iti tension idiay Middle East.
Pinasingkedan ni Garbin a ti panangited ti boluntario a diskwento kadagiti mannalon, mangngalap, freight operators, drivers iti pampubliko a lugan ket tulong a dagus da a marikna.
Nagpanawagan pay ti agpampanday linteg ti in-inot a panagngato ti presio ti liquefied petroleum gas (LPG) tapno masalwadan dagiti pamilia ken babassit a negosio nga agkasapulan iti daytoy.
Mabalin a maadal ti nasayaat a panag-phase ti price adjustments iti LPG tapno saan a mabigla dagiti household’s ken babassit a negosio kas ti karinderya.
