--Ads--
Impasigurado ni Department of Interior and Local Government Secretary Jonvic Remulla nga adda dagus a tulong ken aksion para iti repatriation dagiti Overseas Filipino Workers a naipit iti giyera idiay Middle East.
Segun ken ni Remulla, isuna a mismo ti mapan tapno masigurado ken mapadaras ti proseso ti panagawid dagiti apektado a mangmangged.
Agtultuloy met ti panangpapigsa ti seguridad ti pagilian babaen iti panag-nayon dagiti mobile patrol, motorsiklo, ken air assets kas ti drones a gatangen ti Philippine National Police.
Iti baet ti sangsangoen a krisis ken manamnama nga epekto ti supply ti produkto petrolyo inton sumaruno a lawas, pinasingkedan ni Remulla a saan a baybay-an ti gobierno ti seguridad ti pagilian.
-- ADVERTISEMENT --
