VIGAN CITY – Namnamaen ti maysa nga OFW idiay Abu Dhabi, United Arab Emirates nga awan ti nairaman a Pilipino iti panagbettak iti maysa a panganan gapu iti mapapati a gas explosion a nakatayan dagiti dua nga staff ken nakadunoran dagiti dadduma pay.
Iti pannaki-uman ti Bombo Radyo Vigan ken ni Bombo International Correspondent Obesa Rosendal Gelyn a tubo iti Pampang, Eastern Samar nga agtrabtrabaho tatta iti nasao a pagilian, alas onse iti agsaoa a napasamak ti panagbettak ken agplanplantsa idi nangngegna ti napigsa nga uni ti panagbettak a nariknada pay ti kapigsana iti pagtaengan ti amona nga adda laeng likudan ti establisimiento agsipud ta nagrikep amin a ridawda.
Gapu ti dayta, inarakupna ti ayaywananna nga ubing gapu iti amakdan idi masiripnan nga agtatarayen dagiti adda iti nasao a lugar ken ti panagsangpet dagiti agresponde kadagiti biktima.
Innayonna pay a Pilipino ti kaaduan nga agtrabtrabaho iti bimtak nga establisimiento ngem nupay kasta, dukduktalenen dagiti pannakabagi ti linteg no adda nairaman kadakuada.
