VIGAN CITY – Naiteden iti hospital bed a kalkalikaguman iti pamilya ni Carmen Aglibut Tabon tapnu makapagkomportable nga agidda.
Naited ti hospital bed idi napan bimmisita ti Provincial Social Welfare Office iti pagtaengan ni Tabon idiay Naguimba, Banayoyo.
Agsipud iti dayta, napalaus iti panagyaman ti ina ni Carmen a ni Carolina Aglibut gapu iti insigida a panagtignay ni ti Provincial Social Welfare Office nangruna ni Governor Ryan Singson iti arungaing da a hospital bed nga inyuman da ti Bombo Radyo Vigan.
Ti agdama, adun dagiti pagilasinan iti panagimbag ni Carmen manipud idi naiyawid ditoy pagilian babaen iti tulong ni Romella Bayatin, ti chief nurse ti maysa nga ospital idiay Dammam, Saudi Arabia a taga- Suysuyan, Lidlidda nga isu iti nangikagumaan iti pannanakaiyawid na manipud ti makatawen ken walo a bulan a panagtalinaed na idiay King Fahd University Hospital ta nadisgrasya iti uneg iti pagtaengan ti amo na ken naatake pay.
