Odette Khan, simmayaaten iti kasasaadna

Simmayaat ti kasasaad ni veteran actress Odette Khan kalpasan iti pannaka-ospitalna.

Segun ken ni Bar Boys director Kip Oebenda, nakariingen ti veteran actress ken makakaanen iti innapoy iti mamin-tallo a daras iti maysa nga aldaw.

Pinasingkedan ti specialist-da a saanen a kasapulan a ma-drain dagiti barana ta simmayaten.

Nagyaman isuna kadagiti amin a timmulong ken nakipagkararag iti panaglaingna.

Maipalagip nga idi maudi a paset ti Pebrero ket naospital ni Odette gapu ti pneumonia ken respiratory complications.