Nakatutok ti Office of Civil Defense (OCD) iti umas-asideg a tropical storm ta kinuna ti state weather bureau a posible nga agbalin a super typhoon.
Segun ken ni OCD Deputy Administrator for administration Assistant Secretary Bernardo Rafaelito Alejandro IV, ti bagyo ket nalawa iti sakupenna ta apektaranna iti sibubukel a Luzon.
Kinunana a masapul a mamonitor ti rainband tapno maballaagan ti local governmnet units a prone iti layos kangrunaan iti Southern ken Northern Luzon.
Segun ti Philippine Atmospheric, Geophysical and Astronomical Services Administration (PAGASA), ti bagyo nga adda international name-na a Fung-Wong ket maawaganto nga Uwan apaman a makastrek iti Philippine Area of Responsibility.
Manamnama a sumrek ti Fung-Wung iti PAR iti rabii ti Biernes wenno agsapa iti Sabado ket agbalin a typhoon ken posible a dumanon iti typhoon catergory inton Sabado.
