--Ads--
Inallukoy ti Office of Civil Defense dagiti agindeg nga adda kadagiti flood-prone ken landslide-prone area a sumurot a dagus iti evacuation order dagiti lokal nga otoridad kagiddan ti panagtultuloy ti napigsa a tudo gapu iti habagat.
Segun ken ni OCD Information Officer Diego Mariano, napateg a dagus nga agbakwit sakbay pay a ngumato ti layus tapno maliklikan ti peggad kabayatan ti panagbakwit.
Napalagipan met ti publiko nga agalerto ken ammuen dagiti hazard iti lugarda, kas ti posibilidad ti layus wenno panagreggaay ti daga.
Impaganetget ti OCD ti panagbalin a naridam kadagiti peggad kasta payen ti husto a panagsagana tapno makatulong iti panangpatalinaed a kalmado ken maammuan ti nasken nga aramiden no adda didigra.
-- ADVERTISEMENT --
