Pinasingkedan ni United States President Donald Trump a binomba ti Amerika dagiti tallo a nuclear site ti Iran a Natanz, Esfahan, ken Fordow kas paset iti panagraut ken panangkontrada iti panagpartuat ti Iran kadagiti nuclear weapon.
Segun ken ni Trump, amin nga eroplano ket natalged a nakapanaw iti airspace ti Iran ken dinayawna dagiti ‘Great American Warriors’.
Nangipabanto pay ti Amerika iti B-2 stealth bombers, kagiddan ti deployment ti Tomahawk missile ken innem a bunker buster bombs idiay Fordow.
Impakaammo ti Amerika iti Iran a planado ti panagraut ken awan ti gagemda a mangrakrak iti rehimen.
Kinumpirmaran met ti Israel a nagtinnulongda iti Amerika gapu iti umad-adu a sibilian a madangdangran – nasurok 430 idiay Iran ken 24 idiay Israel.
