Pormal a nangipila iti reklamo ni Ralph Calinisan, Vice Chairman ken Executive Officer ti National Police Commission iti Quezon City Hall of Justice itay bigat kontra ken ni Norman Mangusin.
Daytoy ket para iti kaso nga unjust vexation ken cyberlibel nga adda pakainaiganna iti Cybercrime Prevention Act of 2012 wenno Republic Act 10175 kontra ken ni Norman Mangusin, a mabigbigbig kas Francis Leo Marcos.
Segun ken ni Calinisan, nagtaud ti panangipilana iti kaso kontra iti vlogger kalpasan a maawagan iti makapainsulto a naganna.
Innayon ni Calinisan nga ar-aramidenna laeng ti akemna kas opisial ti gobierno isu a nasken laeng a madusa ti asino man nga aglabsing iti linteg.
Innayonna a saanna kayat koma nga agturong iti panagipilaan iti kaso ta kas opisial ti gobierno ket sanayen kadagiti pammabalaw manipud iti publiko, ngem adda ti naun-uneg a rason iti likudan ti addangna.
