Impaganetget ni Senate President Vicente Tito Sotto III a nasken nga ikonsiderar ni Senador Ronald Bato Dela Rosa ti ‘no work, no pay’ scheme wenno ti saan a panagawat ti sweldo agingga iti oras a makasubli ken nakasagana isuna nga agpakita iti Senado.
Inlawlawag ni Sotto a nabayagen idi naudi a nakipaset ti session ni Dela Rosa gapu iti posibilidad a panagirruar ti International Criminal Court ti warrant arrest kontra kenkuana.
Pinasingkedan pay ti senate president a nasken nga ikonsiderar ti Dela Rosa ti suhestion tapno maawan ti maipagarup a ‘pressure’ iti opisina gapu ti agtultuloy a panag-absent na.
Kabayatanna, saan met a makigtot ni Sotto iti posibilidad a mangipila ti maysa nga ethics complaint kontra ti senador gapu ti saan na a panagpakita iti opisina-a.
