--Ads--
Natay ni Magdalena Osita, addaan iti naan-anay nga edad, negosyante ken taga-Poblacion, East Flora, Apayao ta natupakan iti signage ti Flying V Gasoline Station idiay Barangay Del Pilar, Tagudin, Ilocos Sur.
Segun ken ni PO2 Noven Piloy, investigator on case ti Tagudin municipal police station, nakita ni Allen Cardenas iti panagtuwang iti poste ti signage gapu iti kapigsa iti angin ket nagtupak iti elf truck nga ayan ti biktima nga agbilbilang iti lako na a saba.
Naitaray idiay Ilocos Sur District Hospital- Bio, Tagudin ti biktima ngem naideklerar a dead on arrival gapu iti nakaro a sinagaba na a natupakan iti signage.
