--Ads--
Impakaammo ti National Economic and Development Authority (NEDA) ti negatibo nga epekto ti P35 minimum wage increase.
Segun ni NEDA Secretary Arsenio Balisacan, posible a pangatoen ti wage hike ti unemployment rate iti pagilian ken maaddaan ti bassit nga epekto iti national output ti Gross Domestic Product.
Mpatta-patta a 40,000 agingga 140,000 a mangmangged ti maapektaran depende iti rehyon ken ti kadakkel ti ingangatoan ti nayon a sueldo.
Nupay kasta, saan nga agpaut ti nasao a parikot ta naregta ti labor market ken agtultuloy a rumegregta ti ekonomia iti pagilian.
-- ADVERTISEMENT --
