VIGAN CITY – Impasigurado ni National Disaster Risk Reduction and Management Council- Office of the Civil Defense Spokesman Mark Timbal a nakasaganada a tulungan iti Local Government Unit iti Masbate no man bilang nga agkiddawda iti tulong kasaruno iti napasmak a magnitude 6.6 a ginggined idiay Cataingan, Masbate idi August 18.
Iti pannakai-uman ti Bombo Radyo Vigan ken ni Timbal, sisasaganada a mangited iti suportar ken tulong ta adda iti relief item-da kadagiti ware house ken adda ti nakasagana a pondo no man bilang nga agkiddaw ti tulong ti LGU ti Masbate.
Segun ken ni Timbal, agtultuloy iti isaysayangkatda a panagmonitor iti sitwasyon ket naaddaan iti panagbakwit dagiti agindeg gapu iti napasamak nga aftershocks ket nangipatuloden iti nayon a tent iti DSWD Region V.
Kabayatanna, nagpalagip ni Timbal a rumbeng nga agbalin a naalibtak ken nakasagana a kanayon ta saan a maliklikan iti digdigra a sumangbay ken rumbeng a sumurot latta kadagiti health protocols itatta nga adda iti pangta iti covid-19 tapno maliklikan iti panaggi-innakar iti nasao a sakit.
