Imbingay ni National Bureau of Investigation Dir. Atty. Melvin Matibag a paayabanda inton Huebes, August 6 da Batangas 1st District Rep. Leandro Leviste ken dati a Rep. Jing Paras tapno sumango iti ahensia.
Segun ken ni Dir. Matibag, nakasaganan ti subpoena para kadagiti nadakamat ken nakaituding a maiserbi inton Lunes.
Gagem ti pannakapaayab kada Leviste ken Paras a mangngegan ti biangda maipanggep iti mapapati a pannakainaigda ti plano a bugaw wenno human trafficking modus operandi tapno agbiktima iti opisyal ti gobierno.
Maipalagip nga idi kallabes ket balligi nga insayangkat ti NBI-NCR ti entrapment operation iti five-star hotel idiay Manila a gappuanan ti pannakaisalakan iti sumagmamano a babbai ken pannakemmeg ti akin-iggem kadakuada a talent manager.
