Im-imbestigaran ti National Bureau of Investigation dagiti CCTV footage iti condominium ti aktres a da Rhian Ramos ken beauty queen a ni Michelle Dee mainaig iti pammabasul a pammugbog nga impila ti driver ken personal assistant ni Ramos.
Segun iti NBI, paset daytoy iti maisaysayangkat nga imbestigasion tapno maberipika dagiti statement ti agsinnumbangir a partido.
Kabayatanna, pinaglibakan ti abogado da Ramos ken ni Dee ti pammabasul ket inawaganda a saan a pudno ken imposible.
Kwinestyon pay ti kampo dagiti dua ti pammabasul gapu iti kaawan ti makita a nalawag a pagilasinan a nabugbog wenno nadunor ti driver nga agrekreklamo.
Agtultuloy ti imbestigasion ti NBI ken yur-urayda ti resulta iti panangkitada iti CCTV ken dadduma pay nga ebidensia tapno malawlawagan ti kaso.
