VIGAN CITY – Agladladingit ti NBA ken dagiti basketball fans iti intero a lubong iti ipupusay ti uppat a pulo ket maysa ti tawen na a NBA legend a ni Kobe Bryant.
Pimmusay ni Bryant ta nagsuwek iti nagluganan na a helicopter idiay Calabasas, Los Angeles, California.
Segun ti Los Angeles County Sheriff, awan iti nakalasat kadagiti siyam a naglugan iti Sikorsky S-76 a private helicopter ni Kobe.
Kadua ni Kobe ti sangapulo ket tallo ti tawen na a babai a putot na a ni Gianna ta mapan da kuma iti basketball practice na idiay Thousand Oaks.
Ti agdama, im-imbestigaran pay laeng dagiti otoridad iti rason nu apay a nagsuwek iti nagluganan da a helicopter.
Idi laeng kalman ket nakablaawan pay ni Kobe ni LeBron James iti social media ta naartapan na iti maikatlo a puwesto kas 3rd highest scorer ti NBA.
Naulila ni Kobe ti asawa na a ni Vanessa nga agtawen ti tallo pulo ket pito ken dagiti tallo nga annak da a da Natalia Diamante nga agtawen ti sangapulo ket pito; Bianka Bella kenni Capri nga agtawen ti maysa.
