--Ads--
Manayonan ti ayuda para kadagiti tsuper ti pampubliko a lugan tapno masupusupan ti pagkasapulanna iti baet ti nangina a presio ti produkto-petrolyo.
Dayta ti pinasingkedan ni Palace Press Officer Atty. Claire Castro kas sungbat iti reklamo dagiti dadduma a drayber a saan a makanay ti P5,000 a cash assistance kadakuada.
Segun ken ni Castro, binilin ni Presidente Ferdinand Marcos Jr. ti Department of Social Welfare and Development tapno manayunan ti ayuda kadagiti pampubliko a drayber.
Maileppas pay ti panangited ti ayuda kadagiti adda iti transport sector sakbay a mairugi ti nayon nga ayuda.
-- ADVERTISEMENT --
Ti nayon nga ayuda ket saan a one-time release no di ket installment basis.
