Posible a mailatang ti nayon a pondo iti impeachment trial no umabot pay iti tawen 2027.
Segun ken ni Senador Ping Lacson, iti agdama a taray ti trial iti impeachment case ni Vice President Sara Duterte ket mabalin nga umabot iti umuna a paset ti 2027 ti impeachment trial.
Innayon ni Lacson a no umabot iti agingga sumaruno a tawen ket mabalinda a mapagpapatangan iti deliberasion ti 2027 national budget ti nayon a pondo para iti nasao a banag.
Babaen iti daytoy a wagas ket makailatangda iti pondo para iti agtultuloy nga impeachment trial no lumabes pay iti sumaruno a tawen.
Innayon ni Lacson nga agingga July 21 ket adda pay P22 million a nabatbati a pondo iti impeachment trial manipud iti orihinal a pondo a P27.5 million iti salinong ti continuing provisions ti 2025 budget.
