Insanud ti Department of Education ti live shooter attack drill wenno Nationwide Simultaneous School Safety Drill for Attack Incidents a maisayangkat koma inton bigat.
Iti advisory ti DepEd, maisayangkat ti drill iti umuna a lawas ti bulan ti Setyembre.
Ti pannakaisanud ti nasao a drill inton bigat ket gapu iti saan a nasayaat a paniempo isu a nakanselar ti face-to-face classes kadagiti sumagmamano a lugar iti pagilian.
Impaganetget ti DepEd a nasken nga agtalinaed nga age-appropriate ken trauma-informed ti drill a naka-focus iti basic protective actions, communication, coordination, accountability ken recovery.
Nasken pay a liklikan dgaiti pagadalan ti hyper-realistic wenno graphic simulation a posible a mangitunda iti buteng kadagiti estudiante.
