Imbilin ni President Ferdinand Marcos Jr. iti pannakaiyakar ti National Commission on Indigenous People manipod Department of Social Welfare and Development (DSWD) iti Office of the President.
Ti addang ket babaen ti Executive Order No. 71 a napetsaan iti October 22 a pinirmaan ni Executive Secretary Lucas Bersamin.
Ti bilin ket maipatungpal nga insigida kas nakailanad iti dokumento.
Naaramid ti National Commission on Indigenous People iti salinong ti Republic Act 8371 wenno Indigenous People’s Rights Act of 1997.
Isu ti kangrunaan a government agency a responsible iti pagsayaatan ti pannakaramid ken pannakaipatungpal ti polisiya, plano, programa ken dadduma pay nga inisyatiba a mangital-o iti pagsayaatan ti Indigenous Cultural Communities wenno Indigenous People a pakairamanan ti pammigbig ti ancestral domains.
