Inkalintegan ni House Committee on Appropriations Chairperson Rep. Mikaela Suansing a saan a naglaon ti insertions wenno pork barrel ti national budget ita a tawen uray pay ti pondo para iti sumaruno a tawen.
Pinasingkedan ti agpampanday linteg a nagbalin a transparent ti insayangkat da a deliberasion ti national budget para iti 2026.
No maipapan met ti pondo para iti 2027, inlawlawag ni Suansing a ti panangisagana ti NEP ket adda iti hurisdiksion laeng ti executive.
Mainaig daytoy, pinaglibakan na dagiti alegasion nga adda nairaman a pork barrel wenno insertions iti gakat a pondo gapu ta kadagituy ket saan pay a nakita wenno nasukisok ti Kongreso ti linaon ti NEP.
Inaramid ti agpampanday linteg ti panangipalawag kalpasan a naipaiman ti Department of Budget and Management iti House of Representatives ti P7.2 trilyon a National Expenditure Program wenno national budget ti Marcos administration para iti fiscal year 2027.
