Natay gapu ti mudslide idiay Ethiopia, umaboten ti 157

Sangagasut limapulo ket pito a tattao iti natay iti mudslide iti report area idiay Ethiopia ta naapektaran ti nakaru a tudo.

Segun ti local administrator, ubbing ken masikog ti kaadoan a biktima ti mudslide ta nagaburanda idiay Kencho Shacha, Gozdi district idiay southern Ethiopia.

Manipod ti dati a limapulo ket tallo a death toll ket ngimmato ti 157 kagiddan ti search operations iti lugar.

Agtultuloy met ti panagsapul dagiti rescue worker kadagiti umili a posible a nakalasat iti mudslide ta adda liman a naisalakan manipod pannakagaburda.