--Ads--
Nasurok P23.5 bilion a gatad ti iligal a droga ti nakumpiskar ti Philippine National Police kadagiti naiwayat nga operasion iti intero a pagilian idi 2025.
Segun iti PNP, nasurok 55,843 nga anti-drug operations ti naisayangkat sipud Enero 1 agingga Disyembre 31, 2025, a nakakemmegan dagiti 67,223 drug suspect.
Karaman kadagiti nakumpiskar ti 3.28 a tonelada ti shabu, 10.79 tonelada ti napagango a bulong ti marijuana, 3.37 a milion a piraso ti marijuana, 127,462 a gramo ti marijuana kush, 157,586 a gramo ti cocaine, ken 556 a gramo ti ecstasy.
Impasigurado ni PNP Acting Chief Police Lt. Gen. Jose Melencio Nartatez a pabilgen ti kapulisan ti kampania kontra iligal a droga ita a tawen.
-- ADVERTISEMENT --
