Pinasingkedan ti Department of Agriculture a nasurok P120 million a gatad ti tulong ti nakasagana para kadagiti mannalon ken mangngalap a naapektaran iti Habagat ken ti naglabas a bagyo Kiyapo.
Segun iti DA, dagiti naapektaran a mannalon ken mabalin a makaala iti P121.60 million a gatad dagiti farm inputs kas tib agas, mais, ken bin-I ti nateng.
Adda pay P1 million a gatad ti drugs ken biologics, animal feeds, ken supplements para iti taraken ken poultry.
Segun ken ni DA spokesperson Arnel de Mesa, no adda bagyo wenno layus ket nakasagana dagiti opisinada kadagiti regional office, nakasagana dagiti bin-i ken ganagan, a no naapektaran ken nadadael dagiti mulada, ken nakasaganadan nga agmula ket nakasagana met nga agiwaras dagiti regional office kadagiti input.
Kabayatanna, mangidiaya pay ti DA iti agingga P25,000 a loanable amount manipud iti Survival and Recovery (SURE) Loan Program babaen iti Agricultural Credit Policy Council (ACPC).
