VIGAN CITY – Nagyaman ni Diosdado Cayabyab a Schools Division Superintendent ti Schools Division Office iti San Fernando City, La Union iti nabara a panangpasangbay ti Bantay West Integrated School para pannakaisayangkat ti Regional Schools Press Conference 2024.
Iti pannaki-uman ti Bombo Radyo Vigan ken ni Cayabyab, duagasut uppat a pulo ket innem ti delegasyon manipod San Fernando para ti nasao a pasalip.
Segun kenkuana, dagiti napili a simmali ti Regional Schools Press Conference ket naobserbaranen manipod pay laeng idi naisayangkat ti Division Schools Press Conference isu nga apaman a nalpas ket naaddaanen ti panagsangay dagiti estudyante.
VIDEO – SCHOOLS DIVISION SUPERINTENDENT DIOSDADO CAYABYAB
Impasigurado met ni Benilda Canonizado a Principal iti Bantay West Integrated School a sinaganaanda iti nasao nga event tapno agbalin a napintas ti kapadasan dagiti delegation manipod iti San Fernando isu a pagyamananna dagiti amin a timmulong tapno agbalin a nasayaat ti panagbisitada.
Segun ken ni Canonizado, dayawenna ti kinaanus dagiti delegasyon ta aniaman dagiti pagkurangan ket pinun-punnonda latta.
VIDEO – BENILDA CANONIZADO
