Umabot iti kabuklan a 6, 224 a pagadalan iti agduduma a paset ti Mindanao ti naapektaran iti magnitude 7.8 a ginggined, segun ti Department of Education.
Segun ti ahensia, karaman kadagiti apektado a lugar dagiti rehiyon ti Zamboanga Peninsula, Northern Mindanao, Davao Region, Soccsksargen, ken Caraga.
Kalaksidan kadagiti pagadalan, mapatta-patta a 3.2 milyon nga estudyante ken nasurok 128, 000 ken dadduma pay a personnel ti naapektaran iti ginggined.
Impakaammo ni DepEd Secretary Sonny Angara ti suspension ti klase iti amin a lebel kadagiti natamaan a lugar agingga agirruar ti baro nga advisory ti ahensia.
Innayon ni Angara a nakaipatuloden ti DepEd dagiti structural engineer tapno agisayangkat ti damage assessment kadagiti pagadalan ken mangted ti suportar kadagiti regional team.
