Kinumpirmaran ti Department of Justice (DOJ) a 401 a human skeletal remains iti narekubre iti Taal Lake mainaig iti panagsapul kadagiti bangkay dagiti mapukpukaw a mannadi.
Segun ken ni Justice Assistant Secretary Eliseo Cruz bayat ti briefing ti House Committee on Human Rights, maibasar iti rekord iti PNP Forensic Group manipod idi July 10 agingga iti agdama ket 401 a tulang iti naalan dagiti kameng ti Philippine Coast Guard (PCG) manipod iti sangapulo ket pito a lokasyon.
Kinuna pay ni Cruz a dagiti tulang ket adda iti uneg dagiti langgusti a nasarakan.
Iggemen ti PNP Forensic Group dagiti naala a tulang.
Maipalagip a kinuna ti whistleblower a ni Julie Dondon Patidongan a naipan idiay Taal Lake dagiti bangkay dagiti mapukpukaw a sabungero.
July 10, 2025 idi nairusat iti inisyal nga assessment iti Taal Lake idinto nga idi July 11 a narugian ti full blown search.
Iti agdama, agtultuloy iti ar-aramiden nga operasyon ti PNP Forensic ken PCG iti laksid dagiti karit.
