--Ads--
Nasurok 30 a pamilia idiay La Carlota City, Negros Occidental ti nagbakwit gapu iti panagputok ti Kanlaon volcano.
Nangiruar ti bulkan iti napuskol nga ashfall nga immabot iti 2 a kilometro ti kangatona ket nangitunda iti panagbuteng kadagiti agindeg.
Nairekord ti pyroclastic density currents iti sumagmamano a paset ti bulkan ken nakapadas iti ashfall dagiti nasurok 27 a barangay iti Negros Occidental, agraman ti Barangay Ma-ao idiay Bago City.
Agtultuloy ti assessment dagiti otoridad kadagiti naapektaran a lugar.
-- ADVERTISEMENT --
Kaaduan kadagiti agindeg ket boluntaryo a nagbakwit gapu iti amakda a pumutok manen ti bulkan.
Agtaltalinaed iti Alert Level 2 ti Kanlaon ken nainget a maiparparit ti panagserrek iti uneg ti 4 kilometer permanent danger zone.
