Nasurok 2,800 a pulis manipud iti Philippine National Police ti naideploy idiay Bangsamoro Autonomous Region in Muslim Mindanao tapno masigurado ti kinatalged iti panaglukat ti klase para iti School Year 2025-2026.
Ti deployment ket paset iti nalawlawa a plano ti PNP a mangideploy iti 37,000 a pulis iti intero a pagilian tapno agbantay iti 45,974 a pagadalan.
Karaman kadagiti addang ti pannakaimuntar ti 5,079 a Police Assistance Desks nga idaulwan ti 10,759 a pulis, agraman ti foot ken mobile patrols tapno naal-alisto a masungbatan ti ania man nga insidente.
Idiay BARMM, dagiti pulis ti mangted proteksyon ken suporta kadagiti estudiante, mangisursuro ken dadduma pay a kameng ti pagadalan tapno masigurado a natalged ti aglawlaw para kadagiti agad-adal.
Ti addang ket kas panangipakita iti seryoso a panangikalikagum ti PNP a mapagtalinaed ti urnos ken kappia iti rehion iti panangrugi ti baro nga school year.
