Sangagasut duapulo ket walo a tattao iti natay idinto a ginasut ti nadunor iti severe landslide a napasamak gapu ti agtultuloy a tudo idiay Mundakkai, Wayanad, Attamala ken Chooralmala area idiay India.
Kaadoan kadagiti natay ket ubbing a mamaturog ta napasamak ti umuna a landslide iti alas dos ti parbangon ken simmaruno iti alas kuatro dies iti parbangon idi kalman July 30, 2024.
Manipod kadagiti nasarakan a natay, 16 a bangkay a saan pay a nabigbig idiay Porhukallu ti asideg ti Nilambur idiay Malappuram district.
Segun ti Chief Minister, tallopulo ket uppat a bangkay ti nabigbig ken sangapulo ket walo ti naipanen ti pamiliada.
Isolated idiay Meppadi, Mundakkai ken Chooralmala ken nadadael dagiti kalsada.
Nakipagladingit ni Prime Minister Narendra Modi iti napasamak kadagiti biktima ket impasiguradona ti ipaay a tulong ti Central government kadagiti pamiliada.
Indeklarar ni Kerala Chief Minister Pinarayi Vijayan ti two-days mourning a nangrugi idi kalman July 30 ken agpaut agingga ita nga aldaw.
