VIGAN CITY– Agdagup ti 160 dagiti natiliw a motorista idi kalman kagiddan iti pannakaipatungal ti Helmet Ordinance iti syudad ti Vigan, sabali pay dagiti natiliw gapu ta awan ti drivers license na.
Segun kenni Jenny Racsa , traffic czar ti Vigan City, ti kangrunaan a rason dagiti natiliw ket saan da nga ammo nga idi kalman ti pannakaipatungpal ti ordinansa idinto a dagiti dadduma, ti ammo da ket ti driver laeng ti aghelmet.
Inlawlawag met ni Racsa a sakupen ti helmet ordinance dagiti electric bikes gapu ta nakailanad iti probisyon na a maibilang da nga scooter.
Inlawlawag ti city traffic czar a saan a pamastrekan ti syudad ti Vigan ti nasao nga ordinansa no di ket para iti kinatalged dagiti motorista ken makissayan ti bilang dagiti aksidente iti kalsada.
