--Ads--
Sangagasut sangapulo ket dua a kameng ti Candon City Police Station iti maideploy ita a Semana Santa a mangsigurado ti kinatalged dagiti umili.
Iti pannaki-uman ti Bombo Radyo Vigan ken ni PLt. Jovelyn Antalan manipod Candon City Police Station, adda pay nainayon a kameng ti 2nd PMFC a makitinnulong para ti deployment ita a Semana Santa ken bakasyon
Siguradoenna a nakaalertoda ita ket kanayon iti panangpalagipda kadagiti umili iti panagannad sadinoman iti papanan.
Balakadna pay kadagiti pumanaw kadagiti pagtaenganda a siguradoen a naisimpa a nasayaat dagiti alikamen iti uneg ti pagtaengan ken siguradoen a nasayaat iti pannakasarra dagiti mabalin a pagnaan dagiti managgundaway.
-- ADVERTISEMENT --
