‘Guilty’ ti nagbalin a desision ti Sandiganbayan ken ni Janet Napoles para iti 10 a bilang ti graft ken 10 a bilang ti malversation of public funds through falsification of documents.
Gapu dayta, pinatawan isuna ti anti-graft court iti agingga 15 a tawen a pannakaibalud iti kada kaso a graft, 17 a tawen ken 4 a bulan agingga 20 a tawen iti kaso a malversation.
Dayta ket mainaig iti maanomalya a panagkiddawna iti P50 milion kadagiti 10 a non-government organization babaen iti 10 a local government unit, manipud iti Department of Agrarian Reform para kadagiti farm inputs.
Naduktalan dagiti LGU nga awan ti rekordda iti nasao a proyekto ken saanda a nagkiddaw ti pondo para iti daytoy a banag.
Malaksid ken ni Napoles, ‘guilty’ pay ni dati a DAR Usec. Jerry Pacturan iti 10 a bilang ti malversation.
Ni met Evelyn de Leon ket guilty iti sag-3 a bilang ti graft ken malversation.
