Ingetan ti National Police Commission (Napolcom) ti screening iti panag-recruit ti pulis kalpasan a nadiskubre a kaadduan dagiti karaman iti administrative complaints ket dagiti ubbing a pulis.
Segun ken ni Napolcom Vice Chairman Rafael Calinisan, naobserbaran ti mayorya ti nasurok 4, 000 a backlog cases nga iggem ti ahensia a karaman ket dagiti baro a police officer.
Nakapokus met ti maisaysayangkat a reporma iti dua nga aspeto pakairamanan ti panangpapigsa ti legal education iti criminology student’s ken aramiden a nainginget ti neuro-psychiatric examination.
Inamin ti Napolcom official nga adu dagiti police officers ti awan mastery of law na a napateg iti trabaho-da.
Iti agdama, palpalawaenen ti Napolcom ti katulagan da iti Integrated Bar of the Philippines tapno makaited ti in-person workshops ken legal aid kadagiti aktibo a kameng ti pulis iti gagem a maliklikan ti minor procedural lapses iti police operations a kadawyan a rason ti pannaka-ibelleng ti kaso.
