--Ads--
VIGAN CITY – Maragsakan ni dati a Vigan City Mayor ken BALIKATAN President Eva Marie Singson Medina iti napintas a resulta iti community pantry iti intero a siudad ti Vigan.
Iti pannaki-uman ti Bombo Radyo Vigan kenni Medina, kinapatangna dagiti nadumaduma nga organisasyon dagiti babbai iti siudad tapno maisayangkat iti community pantry iti tunggal barangay ket babaen iti panagtitinnulongda nakita iti napintas a resultana.
Maragsakan ti opisyal iti suporta ken tulong dagiti tattao kangrunaan dagiti adda kabaelanna iti biag a saan a makaliplipat kadagiti kalugaranda a marigrigat.
Kabayatanna, nagyaman ni Medina kenni Katrina Aguila a nangirugi iti nasao a programa iti sumagmamano a barangay.
-- ADVERTISEMENT --
