Kinumpirma ni Presidente Ferdinand Marcos Jr. a ti kontraksion ti Metro Manila Subway Project ket naparpardas ngem iti orihinal a timetable na.
Personal nga ininspeksion ni presidente Maros ti kontraksion ti Shaw Boulevard Station idiay Pasig City ken indauloan na ti groundbreaking ti Avenue Station ken BGC Station idiay Taguig City.
Immuna daytoy, pinasingkedan ti Department of Transportation (DOTr) a target da nga agisayangkat ti demo run ti Metro Manila Subway iti first quarter ti 2028 kas paset ti panagsagana ti operasion iti kaunaan nga underground railway system ti pagilian.
Inlawlawag ti DOTr a sabali ti demo run iti testing ken commissioning ken gagemna na daytoy a masukisok ti aktwal nga operasion ti baro a riles sakbay a malukatan iti publiko.
Kabayatanna, impaganetget ti presidente a nasurok P49 bilyon ti nairuar ita a tawen para iti railway sector iti salinong ti DOTr, pakairamanan ti station upgrades ken accessibility improvements.
