VIGAN CITY – Napagtalinaed ni Japanese undisputed super bantamweight world champion Naoya Inoue iti titulona kontra ken ni Luis Nery iti Mexico.
Inabak ni Inoue ni Nery iti maika-innem a rikos iti laban a napasamak idiay Tokyo Dome.
Iti immuna a round ket nakigtot dagiti agbuybuya ta napatumba ni Nery ni Inoue iti umuna a round babaen ti kannawan a danogna.
Napaspas a bimmangon ti naibilang a Monster ket nakabawi ken ni Nery idi dimteng iti maika-lima a round ket napatumbana ti Mexican boxer agingga lineppasna iti maika-innem a round babaen ti right hook-na.
Iti agdama a rekord ni Inoue ket duapulo ket pito ken awan ti abakna, adda 24 knockouts-na ken umuna a labanna manipod nagbalin nga undisputed super bantamweight world champion idi Disyembre.
