Impaganetget ni NBI Director Melvin Matibag a saan a maikalintegan ti kaadda ti nangato a trust rating tapno saan a sumango ti reklamo ti maysa nga impeachable officer.
Dayta ket iti baet ti nangato a trust rating ni Vice President Sara Duterte nga agtaltalinaed iti 57% iti baet ti sangsangwenna nga impeachment trial.
Sinaludsod ni Senator-Judge Kiko Pangilinan ni Matibag a no nangato ti trust rating ket kayatna a sawen, awan metten ti betrayal of public trust.
Impaganetget ni Matibag a saan a mabalin a pagbasaran ti panagimbestigar dagiti survey ta maysa laeng dayta nga snapshot dagiti mabalin a mapasamak.
Malaksid dayta ket napili laeng dagiti lugar a pakaisaysayangkatan ti survey ket no isu ti aramaten a pagbasaran ket dakkel a parikot dayta kangrunaan ket sumagmamano iti survey ket mabalin a ma-manipulate.
