Pinasingkedan ti Malakanyang nga agtrabaho pay a nalaing iti gobierno tapno aglukat iti ad-adu nga oportunidad para kadagiti Pilipino.
Dayta iti ingkari ti Malakanyang kagiddan ti nabara a panangawat iti panagpangato ti employment wenno trabaho idi May 2025.
Immunan nga impakaammo ti Philippine Statistics Authority (PSA) a ti labor force iti pagilian ita ket umaboten iti 65.8% iti populasyon agingga May 2025 a nangatngato ngem iti 64.8% a nairekord idi May 2024.
Segun ken ni Palace Press Officer ken Presidential Communications Undersecretary Atty. Claire Castro, naragsak ni President Ferdinand Marcos Jr. a napintas iti resulta iti panagtignay ti gobierno a maikkan ti dekalidad a trabaho dagiti Pilipino.
Gagem ti Marcos Administration a pangatoen ti bilang dagiti Pilipino iti maikkan ti trabaho iti salinong ti Bagong Pilipinas.
