Pinasingkedan ti Bureau of Internal Revenue (BIR) a rumbeng nga ikonsiderar ti gobiero iti panagpataw iti nangato a buwis kadagiti vape products imbes a kadagiti tradisyonal a sigarilyo.
Segun ken ni BIR Assistant Commissioner Jethro Sabariaga, numan pay rumbeng nga agpada dagitoy ket masapul latta a panunoten ti ikakaru ti panagaramat dagiti nasao a produkto dagiti umili nangruna dagiti agtutubo.
Kinunana a ti maysa a vape product ket saan a kas iti panagkonsumo iti maysa a pakete iti sigarilyo.
Ti maysa a sigarilyo ket makaibus iti 300 puffs idinto a ti kababaan a puff iti vape ket 600 depende nu kasano a makaay-ayo dagiti lebelna.
Patien ni Sabariaga a ti nangatngato a buwis iti vape products ket agresulta iti ad-adu nga ubbing a henerasyon ti maiyadayo iti panaggatangda.
Iti listaan ket umaboten iti 40% ti bilang dagiti agtutubo nga agar-aramat ti vape products idi 2023 nu yarig iti 7.5% a nairekord idi 2021.
