Nagpangta ti transport group a Pinagkaisang Samahan ng mga Tsuper at Operators Nationwide (PISTON) ti maysa a nalawa ken dakkel a ‘Welgang Bayan’ inton Marso 27 kadua dagiti agduduma a grupo ti mangmangged ti pagilian ni awan ti nayon a plete.
Daytoy ket segun iti Piston no agtultuloy a saan a pansinen ti gobierno ti kiddaw da a nayon a plete nga umabot iti P5 a nayon iti minimum a plete iti jeep ken ti pannakaikkat ti VAT ken excise tax iti produkto petrolyo.
Segun ken ni Mody Floranda, presidente ti Piston, temporario laeng a tulong ti fuel subsidy ti inted ti gobierno kadagiti driver ti pampasahero a lugan.
Pinasingkedan ni Floranda a kadua da iti mapasamak a Welgang Bayan dagiti estudyante, mannalon, mangmangged ken dadduma pay a manipud iti agduduma a sektor tapno aggigiddan da a babalawen ti gobierno gapu ti saan a nainkalintegan a panagngato ti gatad ti presio ti produkto petrolyo.
