Nakurang lima milion a Pilipino ti nabenepisyaran iti Ayuda para sa Kapos ang Kita Program iti salinong ti Department of Social Welfare and Development iti tawen 2024.
Ti Cagayan Valley, Davao Region ken Caraga ket adda iti 100 percent utilization na.
Ti AKAP ket mangipapaay iti P5,000 cash assistance iti kada eligible beneficiary ket tapno maqualify, nasken a ti pastrek ti pamilia ket saan a nabab-baba ngem iti poverty threshold ken saan a makaawat iti tulong manipud iti sabali a programa ti gobierno.
Sakup ti AKAP ti medical, funeral, food, ken cash relief a maipapaay a direkta babaen iti Crisis Intervention Units/Sections ti DSWD iti central ken field offices ken babaen iti Social Welfare and Development and Satellite Offices iti nadumaduma a pagilian.
Iti P6.32-trillion national budget para iti 2025, P26 billion ti nailatang para iti AKAP program, a manamnama a maganar ti lima milion a minimum wage earners ken dagiti Pinoy nga adda iti sidong ti ‘poverty threshold’ basar iti DSWD records.
